អតីតសិស្ស AIS តំណាងឱ្យធនធានមនុស្សដែលមិនអាចកាត់ថ្លៃបានសម្រាប់អនាគតនៃ សាលារៀន អន្តរទ្វីប អាមេរិកាំង (AIS) ។ ក្រៅពីដើរតួជាសាក្សីនៃសេវាដ៏ល្អឥតខ្ចោះដែលយើង កំពុងតែផ្តល់ជូននៅទូទាំងព្រះរាជាណាចក្រកម្ពុជា អតីតសិស្សបានចំណាយទាំងពេលវេលា និង ជំនាញរបស់ពួកគេចំពោះគំនិតផ្តួចផ្តើមសំខាន់ៗ ក៏ដូចជាការបង្កើតទំនាក់ទំនង និងការផ្សារភ្ជាប់គ្នារវាងសាលារៀន អន្តរទ្វីប អាមេរិកាំង និងសង្គម។
ការបង្កើតបទពិសោធន៍ក្នុងការចូលរួមគាំទ្រដ៏មានអត្ថន័យសម្រាប់អតីតសិស្ស គឺជាការចែក រំលែកសារជាវិជ្ជមានពីសាលារៀនរបស់យើង។ បើគ្មានវត្តមានរបស់អតីតសិស្ស នៃសាលារៀន អន្តរទ្វីប អាមេរិកាំង នោះចំណេះដឹងរបស់ពួកគេអំពីសកម្មភាព និងសមិទ្ធផលរបស់យើង នឹងមិនសូវមាន លក្ខណៈទូលំទូលាយ។ ការថែរក្សាបណ្តាញទំនាក់ទំនងជាមួយអតីតសិស្សមានន័យថាយើងអាចជូន ដំណឹងដល់ពួកគេអំពីសមិទ្ធផលរបស់យើង និងធ្វើឱ្យពួកគេក្លាយជាផ្នែកមួយនៃអនាគតសាលារបស់ យើងមិនមែនត្រឹមតែជាអតីតកាលរបស់សាលាប៉ុណ្ណោះទេ។
ទំនាក់ទំនងល្អពីអតីតសិស្សផ្តល់អត្ថប្រយោជន៍ដល់អតីតសិស្ស ក៏ដូចជាសាលាផងដែរ។ ប្រសិនបើយើងគាំទ្រអតីតសិស្សរបស់យើងនៅក្នុងជីវិតការងារ និងជីវិតផ្ទាល់ខ្លួនរបស់ពួកគេតាមរយៈ សកម្មភាព ដូចជាការសម្របសម្រួលតាមរយៈបណ្តាញសង្គម វិជ្ជាជីវៈ ការផ្តល់សិទ្ធិ និងអត្ថប្រយោជន៍ នោះពួកគេគឺជាអ្នកគាំទ្ររបស់យើង។ ការគាំទ្ររបស់យើងក៏អាចជួយអតីតសិស្សរបស់យើងឱ្យទទួល បានជោគជ័យ និងផ្តល់ផលប្រយោជន៍ដល់សាលាផងដែរ។