សៅ ណេង

​អតីតសិស្សឆ្នាំសិក្សា ២០១៧–២០១៨

ហោះហើរឆ្ពោះទៅរកក្តីស្រមៃ បន្ទាប់ពីបញ្ចប់ការសិក្សាពីសាលារៀន អន្តរទ្វីប អាមេរិកាំង (AIS) ប្អូនបានដើរតាមក្តីស្រមៃរបស់ខ្លួន ហើយបច្ចុប្បន្នកំពុងបំពេញការងារជា បាហុនិកា (Cabin Crew) នៅ AirAsia Cambodia។ តាមរយៈដំណើរនេះ ប្អូនបានរៀនពីសារៈសំខាន់នៃភាពជឿជាក់លើខ្លួនឯង ការសម្របខ្លួន និងការហ៊ានទទួលយកបទពិសោធន៍ថ្មីៗ។ ប្អូនជឿជាក់ថា រាល់បញ្ហាប្រឈមសុទ្ធតែជាឱកាសសម្រាប់ការរីកចម្រើន ហើយការតាំងចិត្តអាចនាំឱ្យក្តីស្រមៃក្លាយជាការពិតបាន។

អ៊ុត សុដាឡាយ

អតីតសិស្សឆ្នាំសិក្សា ២០១៩–​២០២០

ប្រែក្លាយការស្រាវជ្រាវទៅជាលិទ្ធផលជះវិជ្ជមាន ដោយមានចំណង់ចំណូលចិត្តលើការស្រាវជ្រាវ និងសុខភាពសាធារណៈ ប្អូនបានធ្វើការសិក្សាស្រាវជ្រាវអំពីចំណេះដឹងរបស់សិស្សានុសិស្សលើជំងឺទឹកនោមផ្អែម ដោយមានការគាំទ្រពី AIS។ ការស្រាវជ្រាវនេះបានទទួល ពានរង្វាន់កិត្តិយស (Honorary Award) ក្នុងសន្និសីទ Student Research Society (SRS) នៃសាកលវិទ្យាល័យ Debrecen ក្លាយជានិក្ខេបបទបញ្ចប់ការសិក្សា និងត្រូវបានបោះពុម្ពក្នុង Student Science ជំនាន់ទី១១។ ប្អូនមានក្តីសោមនស្ស និងដឹងគុណចំពោះការគាំទ្រពី AIS ហើយជឿជាក់ថា ការសហការ និងការចង់ដឹងចង់ឃើញ អាចបង្កើតឱកាស និងផលជះវិជ្ជមានដល់សង្គម។

វឌ្ឍនៈ ភិគុណកែវ

អតីតសិស្សឆ្នាំសិក្សា ២០២១–​២០២២

រៀនដើម្បីដឹកនាំ និងដឹកនាំដើម្បីបម្រើសង្គម

ក្នុងនាមជាអតីតសិស្ស AIS បច្ចុប្បន្ន ប្អូនគឺជានិស្សិតឆ្នាំទី៤ ផ្នែក ទំនាក់ទំនងអន្តរជាតិ (Bachelor of International Relations) នៅសាកលវិទ្យាល័យអន្តរជាតិមួយនៅក្នុងស្រុក។ នៅខែកញ្ញា ឆ្នាំ២០២៥ ប្អូនទទួលបានឱកាសចូលរួម កម្មវិធីផ្លាស់ប្តូរការសិក្សា Young Southeast Asian Leaders Initiative (YSEALI) នៅសហរដ្ឋអាមេរិក។ ក្រៅពីការសិក្សា ប្អូនក៏កំពុងចូលរួមការងារនៅ Startup មួយក្នុងរាជធានីភ្នំពេញ តាមរយៈគម្រោងនានាដែលរួមចំណែកលើកកម្ពស់វិស័យអប់រំនៅកម្ពុជា។

ចាប់ លីហ្សា

អតីតសិស្សឆ្នាំសិក្សា ២០២៤–២០២៥

រីកចម្រើនតាមរយៈបញ្ហាប្រឈមថ្មីៗ បច្ចុប្បន្ន ប្អូនកំពុងបន្តការសិក្សាផ្នែក វិទ្យាសាស្ត្រសុខាភិបាល (Health Science) នៅ Swinburne University of Technology។ ការផ្លាស់ប្តូរពីថ្នាក់វិទ្យាល័យទៅសាកលវិទ្យាល័យ បានបង្រៀនឱ្យប្អូនចេះសិក្សាដោយឯករាជ្យ គ្រប់គ្រងពេលវេលាដោយខ្លួនឯង និងពង្រឹងជំនាញទំនាក់ទំនង។ ដោយមានចំណង់ចំណូលចិត្តលើការថែទាំសុខភាព ប្អូនមានបំណងក្លាយជា គិលានុបដ្ឋាយិកា (Nurse) ដើម្បីចូលរួមថែទាំអ្នកជំងឺ និងរួមចំណែកជាវិជ្ជមានដល់សង្គម។

គឹម រតនៈ

អតីតសិស្សឆ្នាំសិក្សា ២០១៤–២០១៥

ពង្រីកទស្សនៈតាមរយៈការសិក្សាអន្តរជាតិ ក្នុងនាមជាអតីតសិស្ស AIS ប្អូនកំពុងបន្តការបណ្តុះបណ្តាលវិជ្ជាជីវៈនៅ ប្រទេសបារាំង តាមរយៈកម្មវិធី DFMS នៅ CHU d'Orléans។ ដំណើរនេះឆ្លុះបញ្ចាំងពីការប្តេជ្ញាចិត្តក្នុងការរៀនសូត្រជាបន្តបន្ទាប់ និងភាពក្លាហានក្នុងការទទួលយកឱកាសថ្មីៗនៅលើឆាកអន្តរជាតិ ព្រមទាំងទទួលបានបទពិសោធន៍ និងទស្សនៈថ្មីៗពីបរិបទសកល។

ផាន់ សុវណ្ណ

អតីតសិស្សឆ្នាំសិក្សា ២០២២–២០២៣

ដាំដុះចំណេះដឹង ដើម្បីអនាគតប្រកបដោយចីរភាព បន្ទាប់ពីបញ្ចប់ការសិក្សាពីសាលារៀន អន្តរទ្វីប អាមេរិកាំង (AIS) ប្អូនបានបន្តការសិក្សាថ្នាក់បរិញ្ញាបត្រផ្នែក វិទ្យាសាស្ត្រកសិកម្ម (Bachelor of Agricultural Science) នៅសាកលវិទ្យាល័យស៊ីដនី (The University of Sydney) ប្រទេសអូស្ត្រាលី។ បច្ចុប្បន្ន ប្អូនកំពុងផ្តោតលើការសិក្សាអំពីសត្វ ដើម្បីពង្រឹងចំណេះដឹង និងត្រៀមខ្លួនចូលរួមអភិវឌ្ឍវិស័យកសិកម្មផ្នែកសត្វ ព្រមទាំងបង្កើតអាជីវកម្មផ្ទាល់ខ្លួននាពេលអនាគត។

សេង​ សុខហេង

អតីតសិស្សឆ្នាំសិក្សា ២០២២–២០២៣

ភ្ជាប់ភាពច្នៃប្រឌិត និងបច្ចេកវិទ្យា បន្ទាប់ពីបញ្ចប់ការសិក្សាពីសាលារៀន អន្តរទ្វីប អាមេរិកាំង (AIS) ប្អូនបានបន្តការសិក្សាថ្នាក់បរិញ្ញាបត្រផ្នែក គ្រប់គ្រងប្រព័ន្ធព័ត៌មានវិទ្យា (MIS) នៅវិទ្យាស្ថាន ស៊ីតិក។ ទន្ទឹមនឹងការសិក្សា ប្អូនក៏កំពុងបំពេញការងារជា អ្នកផលិតមាតិកា (Content Creator) នៅ Snail Studio ដើម្បីប្រមូលបទពិសោធន៍ជាក់ស្តែង និងត្រៀមខ្លួនសម្រាប់អាជីពក្នុងវិស័យបច្ចេកវិទ្យានាពេលអនាគត។

ឧត្តម ខេមរិន្ទ

អតីតសិស្សឆ្នាំសិក្សា ២០២៤–២០២៥ | សិស្សនិទ្ទេស A

បង្កើតអនាគតតាមរយៈបច្ចេកវិទ្យា ក្នុងនាមជាអតីតសិស្ស AIS និងជាសិស្ស និទ្ទេស A ឆ្នាំសិក្សា ២០២៤–២០២៥ ប្អូន ជឿជាក់ថា ភាពជោគជ័យកើតចេញពី វិន័យ ការខិតខំប្រឹងប្រែង និងការ ជឿជាក់ លើខ្លួនឯង។ បន្ទាប់ពីបញ្ចប់ ការសិក្សា ប្អូនទទួលបានឱកាស អាហារូបករណ៍ជាច្រើន និងបានជ្រើសរើស បន្តការសិក្សាផ្នែក Information and Communication Technology (ICT) នៅសាកលវិទ្យាល័យក្នុងស្រុកមួយ។ ដោយមានចំណង់ចំណូលចិត្តលើបច្ចេកវិទ្យា ប្អូនមានបំណងក្លាយជា អ្នកអភិវឌ្ឍកម្មវិធីទូរសព្ទ (Mobile App Developer) និងចូលរួមអភិវឌ្ឍវិស័យឌីជីថលនៅកម្ពុជា។

សុខ សុធារី

អតីតសិស្សឆ្នាំសិក្សា ២០១៦–២០១៧

រីកចម្រើនតាមរយៈការរៀនសូត្រឥតឈប់ឈរ

បច្ចុប្បន្ន ប្អូនកំពុងបំពេញការងារក្នុងវិស័យ ប្រឹក្សាពន្ធដារ ដោយទទួលបានបទពិសោធន៍លើច្បាប់ បទប្បញ្ញត្តិពន្ធដារ និងជំនាញទំនាក់ទំនងវិជ្ជាជីវៈ។ ប្អូនចាត់ទុកថា AIS បានផ្តល់នូវចំណេះដឹង វិន័យ សីលធម៌ និងជំនាញការងារជាក្រុម ដែលជួយឱ្យប្អូនសម្របខ្លួនទៅនឹងបរិយាកាសការងារ។ តាមរយៈដំណើរអាជីពនេះ ប្អូនបានយល់ថា ការរៀនសូត្រ និងការអភិវឌ្ឍខ្លួនជាបន្តបន្ទាប់ គឺជាគន្លឹះសម្រាប់ការរីកចម្រើន ហើយភាពជោគជ័យមិនមែនកើតចេញពីការប្រៀបធៀបខ្លួនជាមួយអ្នកដទៃនោះទេ។

ដូ ដាវីន

អតីតសិស្សឆ្នាំសិក្សា ២០២២–២០២៣

ភាពជោគជ័យចាប់ផ្តើមពីការជឿជាក់លើ​ខ្លួនឯង កាលពីដំបូង ប្អូនធ្លាប់ជួបការលំបាកលើមុខវិជ្ជាបែបវិទ្យាសាស្ត្រ និងមិនសូវមានទំនុកចិត្តលើសមត្ថភាពរបស់ខ្លួនឡើយ។ ប៉ុន្តែ ប្អូនបានសម្រេចចិត្តដាក់គោលដៅខ្ពស់ និងមិនបោះបង់ការខិតខំប្រឹងប្រែងឡើយ។ តាមរយៈការរៀនពីមូលដ្ឋានគ្រឹះឡើងវិញ ផ្តោតលើការយល់ដឹងជាជាងការទន្ទេញ និងការអនុវត្តជាប្រចាំ ប្អូនបានផ្លាស់ប្តូរខ្លួនឯងជាបន្តបន្ទាប់។ ថ្ងៃនេះ ការតស៊ូ និងការជឿជាក់លើខ្លួនឯង បាននាំឱ្យប្អូនទទួលបាន អាហារូបករណ៍ពេញថ្លៃនៅវិទ្យាស្ថានបច្ចេកវិទ្យាកម្ពុជា (ITC) ដែលបង្ហាញថា ការខិតខំប្រឹងប្រែង និងការជឿជាក់លើខ្លួនឯង អាចបើកទ្វារទៅកាន់ឱកាសដ៏អស្ចារ្យបាន។

គិម សុមិត្តា

អតីតសិស្សឆ្នាំសិក្សា ២០២៤–២០២៥

ដឹកនាំដោយទំនុកចិត្តក្នុងសហគមន៍សកល បច្ចុប្បន្ន ប្អូនកំពុងបន្តការសិក្សាផ្នែក Biotechnology នៅសាកលវិទ្យាល័យ RMIT (Royal Melbourne Institute of Technology) ទីក្រុងមែលប៊ន ប្រទេសអូស្ត្រាលី។ តាមរយៈការសិក្សានៅថ្នាក់វិទ្យាល័យ និងការចូលរួមជាសមាជិក ក្រុមប្រឹក្សាសិស្ស AIS (AISSC) ប្អូនបានអភិវឌ្ឍជំនាញការងារជាក្រុម និងភាពជាអ្នកដឹកនាំ ដែលបានជំរុញឱ្យប្អូនមានភាពក្លាហានក្នុងការប្រាស្រ័យទាក់ទង និងបង្កើតទំនាក់ទំនងជាមួយមនុស្សមកពីវប្បធម៌ និងជាតិសាសន៍ផ្សេងៗជុំវិញពិភពលោក។

តូ លីជីអូ

អតីតសិស្សឆ្នាំសិក្សា ២០២០–២០២១

ស្វែងរកទំនុកចិត្តលើខ្លួនឯងតាមរយៈបទពិសោធន៍ថ្មីៗ កាលនៅវិទ្យាល័យ ប្អូនធ្លាប់មានក្តីបារម្ភ ថាខ្លួនឯងមិនពូកែដូចមិត្តភក្តិដទៃ។ ប៉ុន្តែ ប្អូនមិនដែលបោះបង់ការស្វែងរកសក្តានុពលរបស់ខ្លួនឡើយ។ បន្ទាប់ពីបញ្ចប់ការសិក្សាពី AIS ប្អូនបានបន្តសិក្សាផ្នែកនីតិសាស្ត្រ និងសាកល្បងឱកាសផ្សេងៗ រហូតបាន សម្រេចក្តីស្រមៃក្នុងការក្លាយជា បាហុនិកា (Cabin Crew)។ តាមរយៈដំណើរនេះ ប្អូនបានរៀនពីភាពជឿជាក់លើខ្លួនឯង ភាពឯករាជ្យ និងការហ៊ានទទួលយកបញ្ហា ប្រឈមថ្មីៗ។ សម្រាប់ប្អូន មនុស្សម្នាក់ៗមានពេលវេលា និងដំណើរ រីកចម្រើនខុសៗគ្នា ហើយភាពជោគជ័យគឺ ការរកផ្លូវដែលសមស្របសម្រាប់ខ្លួនឯង។

ច័ន្ទ សុផាដាណេ

អតីតសិស្សឆ្នាំសិក្សា ២០២០–២០២១

រីកចម្រើនដោយការទទួលខុសត្រូវ និងការតាំងចិត្ត

បន្ទាប់ពីចាប់ផ្តើមអាជីពក្នុងផ្នែកច្បាប់នៃវិស័យធនាគារ ប្អូនបានទទួលបទពិសោធន៍ ជាក់ស្តែងលើនីតិវិធីច្បាប់ ការពិនិត្យឯកសារ និងការតាក់តែងកិច្ចសន្យា។ ប្អូនចាត់ទុកថា AIS បានផ្តល់នូវចំណេះដឹង វិន័យ និងជំនាញ ទំនាក់ទំនង ដែលជួយឱ្យប្អូនសម្របខ្លួន ទៅនឹងទំនួលខុសត្រូវនៅកន្លែងធ្វើការ។ តាមរយៈបទពិសោធន៍ការងារ ប្អូនបានរៀន ពីសារៈសំខាន់នៃការយកចិត្តទុកដាក់ចំពោះព័ត៌មានលម្អិត ការទទួលខុសត្រូវ និងការបន្តអភិវឌ្ឍខ្លួនឥតឈប់ឈរ។

សុង ហ្គិចឡ័ង

អតីតសិស្សឆ្នាំសិក្សា2022 - 2023

រីកចម្រើនតាមរយៈបទពិសោធន៍ថ្មីៗ ការរស់នៅ និងសិក្សានៅបរទេស បានបង្រៀនឱ្យប្អូនយល់ពីសារៈសំខាន់នៃការសម្របខ្លួន ភាពអត់ធ្មត់ និងភាពឯករាជ្យ។ ទោះបីការសម្របខ្លួនទៅនឹងបរិយាកាស និងប្រព័ន្ធសិក្សាថ្មីមានការលំបាកនៅដំបូងក៏ដោយ បទពិសោធន៍ និងគុណតម្លៃដែលទទួលបានពី AIS ដូចជា ភាពក្លាហាន ទំនុកចិត្តលើខ្លួនឯង និងការហ៊ានទទួលយកឱកាសថ្មីៗ បានជួយឱ្យប្អូនកាន់តែរឹងមាំ និងមានភាពម្ចាស់ការលើខ្លួនឯង។ បច្ចុប្បន្ន ប្អូននៅតែបន្តរៀនសូត្រ និងរីកចម្រើនតាមរយៈបទពិសោធន៍ថ្មីៗ ហើយជឿជាក់ថា មនុស្សម្នាក់ៗមានដំណើរ និងល្បឿននៃការរីកចម្រើនរៀងៗខ្លួន ក្នុងការស្វែងរកសក្តានុពលរបស់ខ្លួន។

ចាប មួយជួង

អតីតសិស្សឆ្នាំសិក្សា ២០១៩–២០២០

កសាងដោយបទពិសោធន៍ ដឹកនាំដោយគុណតម្លៃ បច្ចុប្បន្ន ប្អូនគឺជាជ័យលាភី អាហារូបករណ៍ MEXT នៃរដ្ឋាភិបាលជប៉ុន។ បទពិសោធន៍នៅសាលារៀន អន្តរទ្វីប អាមេរិកាំង (AIS) បានជួយអភិវឌ្ឍជំនាញសំខាន់ៗ ដូចជា ការស្រាវជ្រាវ ការធ្វើបទបង្ហាញ ការគោរព និងឱ្យតម្លៃអ្នកដទៃ ព្រមទាំងការគ្រប់គ្រងពេលវេលា។ គុណតម្លៃ និងបទពិសោធន៍ទាំងនេះ បានក្លាយជាមូលដ្ឋានដ៏មានតម្លៃ ដែលបន្តជួយដឹកនាំដំណើរសិក្សា និងជីវិតប្រចាំថ្ងៃរបស់ប្អូន។

គង់ ដានីកា

អតីតសិស្សឆ្នាំសិក្សា ២០២៣–២០២៤

បន្តដំណើរតាមរយៈការសិក្សាផ្នែកធុរកិច្ច បន្ទាប់ពីបញ្ចប់ថ្នាក់ Diploma ផ្នែកធុរកិច្ច បច្ចុប្បន្ន ប្អូនកំពុងបន្តការសិក្សាថ្នាក់ បរិញ្ញាបត្រផ្នែកធុរកិច្ច ជំនាញគណនេយ្យ នៅសាកលវិទ្យាល័យ Swinburne ប្រទេសអូស្ត្រាលី។ តាមរយៈការបន្តសិក្សា និងការខិតខំប្រឹងប្រែងជាបន្តបន្ទាប់ ប្អូនកំពុងកសាងមូលដ្ឋានដ៏រឹងមាំសម្រាប់អាជីពនាពេលអនាគតក្នុងវិស័យធុរកិច្ច និងហិរញ្ញវត្ថុ។

ម៉ៅ សម្បត្តិ

អតីតសិស្សឆ្នាំសិក្សា ២០២២–២០២៣ | សិស្សនិទ្ទេស A

ស្រឡាញ់ភាពយន្ត និងប្តេជ្ញាបង្កើត​ការបំផុស គំនិត បន្ទាប់ពីទទួលបាន និទ្ទេស A ក្នុងការប្រឡង ទុតិយភូមិឆ្នាំសិក្សា ២០២២–២០២៣ បច្ចុប្បន្ន ប្អូនកំពុងសិក្សានៅ ដេប៉ាតឺម៉ង់ប្រព័ន្ធ ផ្សព្វផ្សាយ និងទំនាក់ទំនង នៃសាកលវិទ្យាល័យភូមិន្ទភ្នំពេញ។ ដោយមានចំណង់ចំណូលចិត្តលើវិស័យ ភាពយន្ត ប្អូនបានផលិតភាពយន្តខ្លី ដែលត្រូវ បានចាក់បញ្ចាំងក្នុង មហោស្រព ភាពយន្តខ្លីចតុមុខ និងទទួលបាន ពានរង្វាន់ «អ្នកដឹកនាំរឿងល្អ»។ ប្អូនមានបំណងក្លាយជាអ្នកដឹកនាំភាពយន្ត និងចូលរួមលើកស្ទួយវិស័យភាពយន្តនៅកម្ពុជាឱ្យកាន់តែរីកចម្រើន។

ឆិ ស៊ីវហុង

អតីតសិស្សឆ្នាំសិក្សា ២០២២–២០២៣

ការរៀនសូត្រដែលគ្មានដែនកំណត់ បន្ទាប់ពីបញ្ចប់ការសិក្សាពីសាលារៀន អន្តរទ្វីប អាមេរិកាំង (AIS) សាខាទួលគោក ក្នុងឆ្នាំ ២០២៣ បច្ចុប្បន្ន ប្អូនកំពុងសិក្សាថ្នាក់មូលដ្ឋានផ្នែក Computer Science and Technology នៅ University of Science and Technology Beijing ប្រទេសសាធារណរដ្ឋប្រជាមានិតចិន។ ក្នុងនាមជាយុវនារីជំនាន់ថ្មី ប្អូនប្តេជ្ញាបន្តសិក្សារៀនសូត្រ ពង្រឹងចំណេះដឹង និងចូលរួមក្នុងសកម្មភាពសង្គម ដើម្បីក្លាយជាកម្លាំងដ៏មានតម្លៃសម្រាប់សង្គម និងការអភិវឌ្ឍប្រទេសជាតិ។

លី វួចលីន

អតីតសិស្សឆ្នាំសិក្សា ២០២៣–២០២៤

សរសេរកូដដើម្បីកសាងអនាគតតាមរយៈការច្នៃប្រឌិត បន្ទាប់ពីបញ្ចប់ការសិក្សាពីសាលារៀន អន្តរទ្វីប អាមេរិកាំង (AIS) ក្នុងឆ្នាំ ២០២៤ បច្ចុប្បន្ន ប្អូនកំពុងបន្តការសិក្សាផ្នែក Software Engineering នៅទីក្រុងមែលប៊ន ប្រទេសអូស្ត្រាលី។ ដោយមានចំណង់ចំណូលចិត្ត លើបច្ចេកវិទ្យា និងការច្នៃប្រឌិត ប្អូនកំពុងបន្ត អភិវឌ្ឍចំណេះដឹង និងជំនាញរបស់ខ្លួន ដើម្បី ត្រៀមខ្លួនក្លាយជាអ្នកជំនាញម្នាក់ក្នុងពិភព ឌីជីថលដែលកំពុងរីកចម្រើនឥតឈប់ឈរ។

អៀ ជាលាង​

អតីតសិស្សឆ្នាំសិក្សា​ 2023-2024

ភាពល្អឥតខ្ចោះកើតចេញពីការតស៊ូព្យាយាម ក្នុងនាមជាអតីតសិស្សផ្លាស់ប្តូរនៅសហរដ្ឋអាមេរិក (២០២១–២០២២) ប្អូនបានបង្ហាញវប្បធម៌ខ្មែរនៅបរទេស មុនពេលត្រឡប់មកបន្តការសិក្សានៅប្រទេសកំណើតវិញ។ ដោយការតស៊ូ និងសម្របខ្លួនទៅនឹងបរិយាកាសសិក្សាផ្សេងៗ ប្អូនទទួលបាន និទ្ទេស A ក្នុងការប្រឡងទុតិយភូមិឆ្នាំសិក្សា ២០២៣–២០២៤ និងចូលរួមយ៉ាងសកម្មក្នុងការងារស្ម័គ្រចិត្ត។ ប្អូនជឿជាក់ថា ភាពជោគជ័យចាប់ផ្តើមពីការកំណត់គោលដៅឱ្យច្បាស់ ការខិតខំប្រឹងប្រែងជាប់លាប់ និងការរក្សាតុល្យភាពក្នុងជីវិត។

សួ គីមហុង​

អតីតសិស្សឆ្នាំសិក្សា​ 2023-2024

ស្វែងរកលទ្ធភាពថ្មីៗតាមរយៈទិន្នន័យ និងការច្នៃប្រឌិត  បច្ចុប្បន្នកំពុងបន្តការសិក្សាផ្នែក Data Science នៅ Temple University សហរដ្ឋអាមេរិក។ ដោយមានចំណង់ចំណូល ចិត្តលើបច្ចេកវិទ្យា និងការវិភាគទិន្នន័យ ប្អូនមានបំណងក្លាយជា Data Analyst និងចូលរួមបម្រើការងារនៅក្រុមហ៊ុនធំៗក្នុងចំណោម Fortune 500 នៅសហរដ្ឋអាមេរិក។

នេត សុភ័ក្រនាថ

អតីតសិស្សនៃសាលារៀន អន្តរទ្វីប អាមេរិកាំង ឆ្នាំសិក្សា2024-2025

ជាសិស្សដែលទទួលបាន និទ្ទេស A ក្នុងការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា 2024–2025 និងទទួលបាន Distinguished Scholarship សម្រាប់បន្តការសិក្សាផ្នែក គិលានុបដ្ឋាយិកា (Nursing) នៅសាកលវិទ្យាល័យ Angelo State សហរដ្ឋអាមេរិក។

ពន្លឺ នាងពណ្ណរី

អតីតសិស្សនិទ្ទេសA និងនិស្សិតបរិញ្ញាបត្ររដ្ឋបាលសេដ្ឋកិច្ច នៅ Monash University

ការសិក្សាគឺជាគន្លឹះដ៏មានតម្លៃបំផុតក្នុងការលើកតម្កើងសក្តានុពលមនុស្ស។ ជាមួយនឹងនិទ្ទេស A ក្នុងប្រឡងសញ្ញាបត្រមធ្យមសិក្សាទុតិយភូមិ (2022–2023) ការចូលរួមសកម្មភាពស្ម័គ្រចិត្ត និងជ័យលាភីចំណាត់ថ្នាក់លេខ 2 ក្នុងការប្រកួតថ្នាក់ជាតិ ខ្ញុំបានទទួលអាហារូបករណ៍ជាច្រើនពីសាកលវិទ្យាល័យជាតិ និងអន្តរជាតិ។ បច្ចុប្បន្ន ខ្ញុំកំពុងបន្តការសិក្សា បរិញ្ញាបត្ររដ្ឋបាលសេដ្ឋកិច្ច នៅ Monash University, ប្រទេសអូស្ត្រាលី។

ការីម ណូតហ្វាហ្សា

អ្នកស្រាវជ្រាវ Stem Cell

ក្រោយបញ្ចប់ការសិក្សានៅ Middlesex Community College

ខ្ញុំបានបន្តជំនាញ Biomedical Science នៅសាកលវិទ្យាល័យ California State University, San Bernardino និងទទួលបានតួនាទីជា អ្នកស្រាវជ្រាវ Stem Cell នៅសហរដ្ឋអាមេរិក។ បន្ថែមពីនេះ ខ្ញុំក៏ទទួលបានអាហារូបករណ៍ 50,000 ដុល្លាររយៈ២ឆ្នាំ តាមកម្មវិធី CIRM COMPASS ដែលជួយបង្កើនឱកាសអាជីព STEM របស់ខ្ញុំយ៉ាងខ្លាំង។

តេង ស៊ាវប៉ោ

សហគ្រិន

ពីអតីតសិស្សនៅសាលា AIS ទៅជាសហគ្រិន: អតីតសិស្ស តេង ស៊ាវប៉ោ បាន បញ្ចប់ថ្នាក់បរិញ្ញាបត្រ ក្នុងឆ្នាំ 2017 និងបានបន្តក្លាយជាស្ថាបនិកនៃអាជីវកម្ម Blvnc Attire និងអារជីវកម្មជាច្រើនទៀត។ បន្ទាប់ពីមានបទពិសោធជាច្រើននៅក្នុងវិស័យអារជីវកម្ម និងធុរៈកិច្ច នៅឆ្នាំ2025 គាត់បានទទួលពានកិត្តិយស​ Prestige 40 Under 40 Cambodia 2025 ថាជាអ្នកដឹកនាំលេចធ្លោក្នុងវិស័យធុរកិច្ចដែលកំពុងរួមចំណែកបង្កើតអនាគតកម្ពុជា។

ចាន់ ហ្គេចសាំង

អ្នកគ្រប់គ្រងប្រតិបត្តិ ហាងកាហ្វេ​ អាម៉ាហ្សូន

នាងខ្ញុំឈ្មោះ ចាន់ ហ្គេចសាំង ជាអតីតសិស្សបញ្ចប់ការសិក្សាថ្នាក់វិទ្យាល័យពី សាលារៀន អន្តរទ្វីប អាមេរិកាំង សាខាចាក់អង្រែ ក្នុងឆ្នាំ 2017 ។

អ៊ុនវ៉ិន សុចិរង្សី

អ្នករចនាម៉ូតសម្លៀកបំពាក់

នាងខ្ញុំឈ្មោះ អ៊ុនវ៉ិន សុចិរង្សី ជាអតីតសិស្ស នៃសាលារៀន អន្តរទ្វីប អាមេរិកាំង សាខា ចាក់អង្រែ ពីឆ្នាំ2015 ដល់ឆ្នាំ 2018។